खेलकुद विकास समितिको अध्यक्षमा बुद्धिमान तामाङ 

Posted on: January 22, 2020 | views: 1043

विदुर । बागमति प्रदेस खेलकुद विकास समिति अन्तरगत रहेको जिल्ला खेलकुद विकास सिमिति नुवाकोटको अध्यक्षमा बुद्धिमान तामाङ चयन हुनुभएको छ । बागमति प्रदेस खेलकुद विकास समितिको मंगलबार बसेको बैठकले नुवाकोटको खेलकुद विकास समितिको रिक्त रहेको नेतृत्वमा बेलकोटगढी नगरपालिका वडा नं. ६ का बुद्धिमान तामाङलाई चयन गरेको हो ।
अध्यक्षमा तामाङ चयन हुनुभएको छ भने सदस्य सचिवमा सोही कार्यालय प्रमुख सन्तोषी बैद्य नै रहने व्यवस्था रहेको छ । सदस्यहरुमा अध्यक्षले नै मनोनित गर्न सक्ने अधिकार दिइएको छ । 
नुवाकोटमा रहेका खेलसंग सम्बन्धित विभिन्न समिति तथा संघको नेतृत्व गर्नेअवसर पाउनुभएका तामाङले जिल्लामा सम्भावना रहेको खेल र खेलाडीको प्रोत्साहनको लागी प्रभावकारी रुपमा कार्यक्रम चलाउने प्रतिबद्धता जनाउनुभयो ।