बुद्धिबहादुर तामाङलाई एकलाख सहित सम्मान

Posted on: January 22, 2020 | views: 4567

समुन्द्रटार । दुप्चेश्वर गाउँपालिकाले १३औँ दक्षिण एसियाली खेलकुद प्रतियोगिता (साग)मा साइक्लिङतर्फ नेपाललाई स्वर्ण पदक दिलाएका बुद्धिबहादुर तामाङलाई एकलाख रुपैयाँसहित सम्मान गरेको छ ।

‘तेश्रो दुप्चेश्वर गाउँपािलका भलिबल प्रतियोगिता’को कार्यक्रमको अवसर बनाएर स्वर्ण पदक बिजेता तामाङलाई एक लाख रुपैयासहित सम्मान गरिएको गाउँपालिकाको अध्यक्ष योविन्द्रसिंह तामाङले जानकारी दिनुभयो । 

दुप्चेश्वर गाउँपालिका वडा नम्बर ७ शिखरवेशीका तामाङले  साईकलिङ तर्फको प्रतिस्पर्धामा क्रस कन्ट्रीको चार किलोमिटरको चार ल्यापमा १ घण्टा १९ मिनेट ८ सेकेण्डमा निर्धारित दुरी पारगर्दे नेपाललाई स्वर्ण पदक जिताउनुभएको थियो । 

गाउँपालिकाले गरेको सम्मानको कारण आफूलाई आफ्नो जन्मभूमि प्रति थप जिम्मेवारीमा बढेको महशुस भएको तथा आत्मबनोबल उच्च भएकाले आगामी प्रतिस्पर्धामा खेलमा सुधार गर्दै लैजाने उहाँले प्रतिबद्धता जनाउनुभयो ।