‘प्रथम भाल्चे फुटबल प्रतियोगिता’को उपाधि थ्रीडी युवा क्लव काउलेलाई

Posted on: October 12, 2019 | views: 7109

किस्पाङ । नुवाकोटको किस्पाङ गाउँपालिका वडा नं. १ भाल्चेमा रहेको अहिंसावादी युबा क्लबको आयोजनामा आयोजित ‘प्रथम भाल्चे फुटबल प्रतियोगिता’को उपाधि थ्रीडी युवा क्लव काउलेले हात परेको छ ।


शुक्रबार सम्पन्न फाइनलमा नुचेत युव क्लवलाई ६–० गोल अन्तरले हराउदै थ्रीडी युवा क्लव पहिलो भएको हो । पहिलो भएको थ्रीडी युवा क्लवले ५५,५५५ रुपैयाँ र दोश्रो भएको नुचेत युव क्लवले ३३,३५५ रुपैयाँ पाएको छ । ३२ क्लबको सहभागिता रहेको प्रतियोगितमा तेश्रो भएको कग्यु मोन्लम अहिंसावादी युबा क्लव १५,००० रुपैयाँ पाएको छ ।


कार्यक्रममा उत्कष्ट भएको क्लब र खेलाडीलाई खेल समापन समारोहका प्रमुख अतिथी किस्पाङ गाउँपालिका वडा नं. १ का वडा अध्यक्ष आइत घले, विशेष अतिथि सामाजिक अभियन्ता तथा नेकपाका युवा नेता सोमवहादुर तामाङ, प्रतियोगिता आयोजक अहिंसावादी युबा क्लबका अध्यक्ष एंव कार्यक्रमका सभापति धनवहादुर तामाङ लगायतले नगद रुपैयाँ सहित, प्रमाणपत्र, शिल्ड र मेडल प्रदान गर्नुभयो ।



उक्त अशसरमा वडाअध्यक्ष घलेले क्लबको आयोजनामा भएको प्रतियोगिताले दशै पर्वको समयमा आपसी एकता, युवालाई खेल प्रतिको आकर्षण र मनोरञ्जन प्रदान गरेकाले आगामी समयममा पनि प्रतियोगितालाई निरन्तरता दिन सहयोगको प्रतिबद्धता जनाउनुभयो ।

नेकपाका युवा नेता सोमबहादुर तामाङले विभिन्न सामाजिक कार्यमा संलग्न रहेको अहिंसावादी युबा क्लबको कार्य सराहनीय रहेको भन्दै खेल क्षेत्रको माध्यममा आयोजित जिल्लास्तरको प्रतियोगिता गराएर राम्रो सन्देश दिएको बताउनुभयो । उहाँले युवाहरुलाई देश विकास तथा समाजप्रति जिम्मेवार बनाउनको लागी अन्य क्षेत्रसगसगैँ खेल क्षेत्र पनि एक विधा भएकाले यसलाई सबैको सहयोग आवश्यक रहेको बताउनुभयो ।

यस्तै, आयोजक क्बलका अध्यक्ष धनबहादुर तामाङले आगामी वर्ष पनि प्रतियोगितालाई निरन्तरता दिएर पुरस्कार राशीमा बृद्धि गरिने बताउनुभयो ।
प्रतियोगिताको समापन एंव फाइनल खेलको अवलोनक गर्न हजारौको सङ्ख्यामा दर्शकको उपस्थिती रहेको थियो ।