नुवाकोट जिल्ला लिगमा दश वर्षका युकेश पनेरु प्रतिस्पर्धामा

Posted on: July 29, 2019 | views: 10810

बट्टार । शनिवारदेखि नुवाकोटको बट्टारमा चलिरहेको नुवाकोट जिल्ला लिग फुटवल प्रतियोगितामा सबैभन्दा कान्छा खेलाडीको रुपमा पिपलटार युथ क्लबका युकेश पनेरु प्रतिस्पर्धामा रहेका छन् । पातलो शरीर, आकर्षक प्रस्तुती र शानदार प्रदर्शनबाट उनले खेल क्षेत्रमा आफ्नो भविष्य सुखद निकाल्ने ध्याउन्नमा छन् ।



पिपलटार युथ क्लबको तर्फबाट जर्सी नम्बर ३ लगाएर मैदानमा उत्रिएका युकेश पनेरु सबैभन्दा कम उमेरका खेलाडी भएको नुवाकोट फुटवल संघका उपाध्यक्ष उद्धव पनेरुले जानकारी दिनुभयो । युकेशले न्यु भिजन क्लव रातमाटे विरुद्धको खेलमा स्टाईकरको मैदानमा उत्रिएका थिए ।

बट्टारको भैरवी एकेडेमीको कक्षा ५ मा अध्ययनरत उनी मात्र १० वर्ष ३ महिनाको भएका छन । उनले अभिभावक र दाईहरुको प्रेरणाले फुटवल खेलले आफुलाई आर्कषित गरेको बताए ।