नुवाकोट क्रिकेट संघकाे अध्यक्षमा पुन: दुर्गाराज पाठक बिजयी

Posted on: June 08, 2019 | views: 8504

विदुर ।

नुवाकोट क्रिकेट संघको विशेष साधारणसभा सम्पन्न भएको छ । साधारणसभाले दुर्गाराज पाठकको अध्यक्षतामा १५ सदस्यीय कार्यसमिति सर्वसम्मत रुपमा चयन गरेको छ । 

निर्वाचित कार्यसमितिका उपाध्यक्षमा बिनोद श्रेष्ठ, सचीवमा करण खतिवडा र कोषाध्यक्षमा बिराटमान सिंह डङ्गोल चयन भएका छन् । त्यस्तै सदस्यहरुमा उपेन्द्र भट्टराई, अनुजमान श्रेष्ठ, प्रज्वल सापकोटा, ओम प्रकाश श्रेष्ठ, बिष्णु प्याकुरेल , रामधन ढकाल, राजेन्द्र पनेरु, पुनम श्रेष्ठ, सुरज सिलवाल, पारस अधिकारी र दिनेश चित्रकार चयन भएका छन् ।

नेपाल क्रिकेट संघको बिधान २०५५ (संसोधन सहित) को धारा २२(३) बमोजिम गठन भएको ५ सदस्यिय ‘स्वतन्त्र टोलि’ ले बिधानको धारा २३(५) बमोजिम बिस्तृत अध्ययन गरि तयार गरेको प्रतिबेदनमा जिल्लाहरुको चार वर्गीकरण गरिएको थियो ।



२० जिल्लाहरुलाइ सदर अर्थात पुरानै निर्वाचनलाई मान्यता दिईएको थियो भने ७ जिल्लाहरुलाइ पुन निर्वाचन गर्न पर्ने तर सदस्यता नयाँ बाड्न नपर्ने, ६ जिल्लाहरुलाइ नयाँ सदस्यता बितरण गर्दै पुन निर्वाचन गर्नपर्ने र नुवाकोट सहित ६ जिल्लाहरुलाई अप्रयाप्त संख्यामा सदस्यहरु भएतापनी एक मौका दिने निर्णय दिएको थियो ।

सोही निर्देसन अनुरुप नुवाकोट जिल्ला क्रिकेट संघको पुनः निर्वाचन आज भएको हो ।