नेपाल र मलेसियाको खेल जारी, नेपालले मलेसियालाई दियो झिनो रनको लक्ष्य

Posted on: April 15, 2019 | views: 7056

काठमाडौ । आईसीसी यू-१९ विश्वकप क्रिकेटअन्तर्गत एसिया क्षेत्र छनोट प्रतियोगितामा मलेसियाले नेपाललाई ९३ रनको विजय लक्ष्य दिएको छ ।

आयोजक मलेसियाविरुद्ध बायोमास ओभलमा नेपालले टस जितेर फिल्डिङ रोजेको थियो । त्यसपछि ब्याटिङ गरेको मलेसिया ३३.५ ओभरमा ९२ रनमा समेटियो ।

नेपालका लागि कुशल मल्ल र पवन शर्राफले समान ३-३ विकेट लिए । कमल सिंह ऐरीले २ र सागर ढकालले १ विकेट लिए ।

शून्य रनमै मलेसियाको विकेट पतन :

नेपालको सुरुवात राम्रो थियो । कमलले पहिलो ओभरको तेस्रो बलमै विकेट लिएका थिए । त्यसपछि उनले नै ४.२ ओभरमा दोस्रो विकेट लिए । कमलको हातबाट अस्लम खान र वान अमिरुल भए ।

इजात डेनियलले ३७ रन बनाउनु बाहेक अन्य ब्याट्सम्यान नेपाली बलरसामु धेरैबेर टिक्न सकेनन् ।

पहिलो खेलमा सिंगापुरलाई २१७ रनले पराजित गरेको नेपाललाई दोस्रो खेलमा भने वर्षा बाधक बनेपछि यूएईसँग डिएल मेथोडमा एक रनले पराजित भएको थियो ।

विश्वकपमा छनोट हुनका लागि अब नेपालले बाँकी सबै खेल जितेर मात्रै हुँदैन । युएईले पनि कुनै एक खेल हार्नु पर्ने हुन्छ । तर अन्य टिम कमजोर भएका कारण यूएई हार्ने सम्भावना निकै कम छ । जसले गर्दा विश्वकपमा पुग्ने नेपालको सम्भावना कठिन बनेको छ ।