प्रदेस नं. ३ को पुरुष फुटबलको उपाधि नुवाकोटलाई (फोटो फिचर)

Posted on: March 12, 2019 | views: 5434

बट्टार । नुवाकोटमा आयोजित प्रदेस नं. ३ स्तरीय पुरुष फुटबल प्रतियोगिताको नुवाकोटले जितेको छ । मंगलबार बट्टार स्थित खेल मेदानमा भएको फाइनलमा मकवानपुर विरुद्ध ३–२गोल गर्दै नुवाकोट प्रदेस च्याम्पियन भएको हो ।

नुवाकोटको लागी खेलको पहिलो हाफको १८ र दोश्रो हाफको ३९ मिनेटमा गरेर रामकाजी कुमालले दुई गोल गरेका थिए भने खेलको पहिलो हाफको ३१ मिनेटमा राजकुमार कुमालले एक गरेका थिए ।



मकवानपुरको लागी खेल सुरु भएको २ मिनेटमा कृष्णबीर रुम्वा र दोश्रो हाफको ४१ मिनेटमा सुनिल घलानले एक–एक गोल गरेको एन्फा नुवाकोटका उपाध्यक्ष उवद्ध पनेरुले जानकारी दिनुभयो ।
उपाधि जिते सगै नुवाकोटे टोली प्रदेस च्याम्पिन हुदै राष्ट्रियस्तरीय प्रतियोगिताको लागी छानिएको छ ।

फाइनल खेलको अवलोकनको लागी राखेपका सदस्य एंव ३ नं. प्रदेसका खेलकुद विकास समितिका संयोजक सुदिल शाही, जिल्ला खेलकुद विकास समिति नुवाकोटका संयोजक बृद्धि प्रधान, जिल्ला प्रहरी प्रमुख कृष्णबहादुर पल्लिमगर, एन्फा केन्द्रीय सदस्य पूर्णमान चित्रकार, एन्फा नुवाकोट अध्यक्ष दिपक चित्रकार, जिल्ला क्रिकेट संघ नुवाकोटका अध्यक्ष दुर्गाराज पाठक, विदुर नपा वडा नं. ३ का वडाध्यक्ष बद्री रिमाल, ६ का वडाध्यक्ष राजु सडौला, ९ का वडाध्यक्ष सनी चित्रकार, करोत संघ नुवाकोटका अध्यक्ष राजु थापा, जिल्ला खेलकुद विकास समितिका कार्यालय प्रमुख सन्तोषी वैद्य, तेक्वान्दो संघ नुवाकोटका मुख्य प्रशिक्षक हरिहर पाण्डे, एन्फा नुवाकोटको प्रशिक्षक देवनारायण चित्रकार लगायतको सहभागिता रहेको थियो ।