च्वाडीलाई हराउदै अर्किड एकेडेमी ‘बि’ सेमिफाइनलमा

Posted on: February 14, 2019 | views: 8272

विदुर । नुवाकोट क्रिकेट संघको आयोजना तथा नुवाकोट जेसिजको सहआयोजनामा जारी रहेको  जिल्लाब्यापी बिद्यालयस्तरिय क्रिकेट प्रतियोगिता अन्तरगत बिहीबारको खेलमा अर्किड एकेडेमी ‘बि’ विजयी भएको छ । जीतसंगै अर्किड एकेडेमी ‘बि’ सेमिफाईनलमा समेत प्रवेश गरेका छ ।

लिग चरणको अन्तिम खेल अन्तरगत अर्किड एकेडेमी ‘बि’ र च्वाडी पब्लिक स्कुल बिच भएको खेलमा अर्किड ‘बि’ ८१ रनले बिजयी भएको हो । टस हारेर पहिले ब्याटिङ गरेको अर्किड ‘बि’ ले २० ओभरमा ६ विकेट गुमाउदै १६१ रन बनायो । अर्किडको तर्फबाट सुमन मिजारले ३५ रन, सुजन पन्तले २२ रन,उत्तम पाण्डेले १७ रन र सुजल श्रेष्ठले १२ रन बनाए । बलिङतर्फ च्वाडीका सुभाष तामाङले २ विकेट लिएको जिल्ला क्रिकेट संघका अध्यक्ष दुर्गाराज पाठकले जानकारी दिनुभयो ।


उहाँको अनुसार १६२ रनको विशाल लक्ष्य पछ्याएको च्वाडी १७.५ ओभरमा ८१ रनमा अलआउट हुन पुग्यो । च्वाडीको तर्फबाट किस्मत रिमालले २६ रन बाहेक अन्य ब्याट्सम्यानले दोहोरो अंक जोड्न सकेनन् । बलिङतर्फ अर्किड ‘बि’ का आयुष पाण्डेले ३ विकेट र सुमन मिजार र समीर रिमालले २र२ विकेट लिए। खेलमा ३५ रन र २ विकेट लिएका अर्किड एकेडेमी ‘बि’ का सुमन मिजार म्यान अफ दि म्याच घोषित भए ।

सेमिफाइनल अन्तर्गतको शुक्रबार पहिलो खेल बिहान ८ बजे शुभेनियर बोर्डिङ स्कुल बिरुद्ध अर्किड एकेडेमी ‘ए’ र दोस्रो खेल गुडविल एकेडेमी विरुद्ध अर्किड एकेडेमी ‘बि’ बिच दिउँसो १२ बजे हुनेछ ।