जिल्लाव्यापी विद्यालयस्तरीय क्रिकेट प्रतियोगिता हुदै

Posted on: February 06, 2019 | views: 8539

नुवाकोट । नुवाकोटमा रहेका विद्यालयहरुबीच जिल्ला ब्यापी क्रिकेट प्रतिपर्धा हुने भएको छ । जिल्ला क्रिकेट संघ नुवाकोटको आयोजनामा यही
 माघ २६ गते देखि जिल्लाब्यापी बिधालयस्तरिय क्रिकेट प्रतियोगिता सञ्चालन गर्न लागिएको संघका जिल्ला अध्यक्ष दुर्गाराज पाठकले जानकारी दिनुभएको छ ।

उहाँको अनुसार उक्त प्रतियोगिताको बिजेताले नगद १० हजार सहित ट्रफि, मेडल र प्रमाणपत्र तथा उपबिजेताले नगद ६ हजार रुपैयाँ सहित ट्रफि मेडल र प्रमाणपत्र प्राप्त गर्नेछ । सहभागी हुन चाहने विद्यालयले टिम दर्ता हुने अन्तिम मिति माघ २५ गतेसम्म तोकिएको छ भने त्यसको लागी शुल्क चार हजार रुपैयाँ निर्धारण गरिएको छ । प्रतियोगिता श्रीनाथ गणको खेलमैदान सिचाई, देविघाटमा सञ्चालन हुने आयोजकले जनाएको छ ।

संघको आयोजनामा हरेक वर्ष सञ्चालन हुदै आएको विभिन्न बिधाको प्रतिस्पर्धात्मक गतिविधि मध्ये यसअघिको जस्तै अहिले पनि नुवाकोटमा रहेका विद्यालयस्तरीय समूहको प्रतिस्पर्धा गराउन लागिएको अध्यक्ष पाठकले जानकारी दिनुभयो ।