बंगबन्धु गोल्डकप:पहिलो खेलमा नेपाल पराजित,सेमिफाइनल यात्रा कठिन

Posted on: October 02, 2018 | views: 5207

काठमाडौं । बंगलादेशमा जारी बंगबन्धु गोल्डकप अन्तरगत आफ्नो पहिलो खेलमा साविक विजेता नेपाल ताजिकिस्तानसँग पराजित भएको छ । नेपाल ताजकिस्तानसँग २-० गोलअन्तरले पराजित भएको छ।
बंगलादेशको सिलटमा मंगलबार भएको खेलमा बलियो टोली ताजकिस्तानले दुबै हाफमा नेपालविरुद्ध दुर्इ गोल गरको थियो।

बंगलादेशको सिलेटस्थित रंगशालामा भएको खेलमा पहिलो र दोस्रो हाफमा १–१ गोल खाँदै नेपाल ताजिकिस्तानसँग पराजित भएको हो ।  यो पराजयपछि नेपालको सेमिफाइनल यात्रा कठिन भएको छ ।
ताजिकिस्तानसँग पराजित भएपछि समूह चरणको अन्तिम खेलमा नेपालले शनिबार प्यालेस्टाइनसँग प्रतिस्पर्धा गर्नेछ । यो खेलमा नेपालले जित निकाल्नै पर्छ । नेपालको अघिल्लो चरणको यात्रा बिहीबार ताजिकिस्तान र प्यालेस्टाइनबीच हुने खेलको नतिजामा पनि भर पर्नेछ ।