नेपालको बिजयी सुरुवात, नामिबिया एक विकेटले पराजित

Posted on: February 08, 2018 | views: 4422
नेपालको बिजयी सुरुवात । नामिबिया एक विकेटले पराजित

काठमाडौं ।
विश्व क्रिकेट लिग डिभिजन दुई अन्तर्गत उद्घाटनको पहिलो खेलमा नेपालले बिजयी सुरुवात गरेको छ । नेपालले पहिलो खेलमा नामिबियाले दिएको १३९ रनको लक्ष्य पुरा गर्दै एक विकेटको सघर्षपूर्ण जित दर्ता गरेको छ । 

अन्तिम ओभरको चार बल बाँकी हुँदा नेपाले एक विकेटको जित दर्ता गरेको हो । 

पहिलो ब्याटिङ गरेको नामिबियालाई नेपालले ३४.२ ओभरमा अलआउट गरेको थियो ।

नेपालका लागि सन्दीप लामिछानेले सर्वाधिक चार विकेट लिए । सोमपाल कामी तीन, बसन्त रेग्मी, पारस खड्का र शरद भेषावकर एकएक विकेट लिएका थिए ।

सामान्य लक्ष्य भए पनि नेपाली ब्याट्स्म्यानले राम्रो ब्याटिङ गर्न नसक्दा नेपालले मात्र ५६ रन जोड्न ६ विकेट गुमाइसकेको थियो । 

४३ ओभरमा ८ विकेट गुमाएर नेपालले १ सय ११ रन बनाएको अवस्थामा पानी परेपछि खेल केहीबेर रोकिएको थियो । पानी लगातार परेर खेल हुन नसकेको भए डक वर्थ लुइस नियममा नेपाल १३ रनले पछि थियो । 

नेपाललाई जिताउन शरद भेषावकले सर्वाधिक २९ रन बनाए । ६७ बल खेलेका शरदले ३ चौका सहित २९ रन बनाए । कप्तान पारस खड्का १९, रोहितकुमार पौडेलले १७, ज्ञानेन्द्र मल्लले १५, दिपेन्द्रसिंह ऐरीले ६ र करण केसी ३ रन बनाए । आरिफ शेख र दिलिप नाथले भने रनको खातै खोल्न सकेनन् । दोश्रो ओभरमै दिलिप नाथ आउट भएपछि नेपाली टोली दबाबमा परेको थियो ।

त्यसपछि कप्तान पारस र उपकप्तान ज्ञानेन्द्रले दोश्रो विकेटका लागि ३२ रनको योगदान गरे । दोश्रो विकेटका रुपमा पारस १९ रनमा आउट भए । अर्को ओभरमा अलराउण्डर आरिफ शेख आउट भए ।  त्यस्तै चौथो ओभरमा नेपालको स्कोर ३७ रन हुँदा ज्ञानेन्द्र पनि आउट भएपछि नेपाली टोली झनै संकटमा परेको थियो । २० औ ओभरमा नेपालले ५० रन पुरा गर्नासाथ दिपेन्द्रसिंह ऐरी पनि आउट भए । २४ औ ओभरमा करण ब्यक्तिगत ६ रनमा पबेलियन फर्किदा नेपालको स्कोर ५६ रन थियो । त्यसपछि शरद र रोहितले सातौ विकेटका लागि ३७ रनको साझेदारी गरे ।

सातौ विकेटका रुपमा शरद आउट हुँदा नेपालको स्कोर ९३ रन पुगेको थियो । आठौ विकेटका रुपमा रोहित १७ रन बनाउँदै आउट भए । रोहितले सिनियर टोलीमा आज डेब्यु गरेका हुन् । त्यसपछि क्रिजमा सोमपाल कामी र बशन्त रेग्मीले 

यसअघि टस जितेर पहिले बलिङ रोजेको नेपालले नामिविया ३४ ओभर २ बलमा १ सय ३८ रनमा अलआउट गरेको थियो थियो । नामिवियालाई १ सय ३८ रनमा समेट्न नेपालका सन्दिप लामिछानेले ४ विकेट लिए । यस्तै सोमपाल कामीले ३ तथा कप्तान पारस खड्का, शरद भेषावकर र बसन्त रेग्मीले १/१ विकेट लिए ।

नेपालले दोस्रो खेल भोलि ओमानसँग खेल्नेछ । आइपिएल क्रिकेटमा छनोट भएपछिको पहिलो खेल खेलेका सन्दिपले ८ ओभर २ बल बलिङ गर्दै मात्र १८ रन दिएर ४ विकेट लिए । उनले २ मेडन ओभर फालेका थिए । पारसले ४ ओभर बलिङ गर्दै १६ रन दिएर १ विकेट लिए । उनले पनि २ मेडन ओभर बलिङ गरे । 

नेपालले भोली ओमनसँग खेल्नेछ । 

प्रतियोगितामा आज युएइ र क्यानडा विजयी भएका छन् । नेपाल, नामिविया, केन्या, ओमान, युएइ र क्यानडासहित ६ देश सहभागी डिभिजन टु को शिर्ष २ स्थानमा रहने टोलीले जिम्वाबेमा हुने विश्वकप छनौट खेल्न पाउनेछन् ।