भैरहवालाई हराउँदै बिराटनगर वारियर्स एभरेष्ठ प्रिमियर लिगको फाईनलमा

Posted on: December 27, 2017 | views: 707
काठमाडौं । बिराटनगर वारियर्स एभ्रेस्ट प्रिमियर लिग ई पि यल टि २० क्रिकेट प्रतियोगिताको फाईनलमा प्रवेश गर्न सफल भएको छ । कीर्तिपुर स्थित त्रीभुवन विश्वविद्यालयको मैदानमा बुधबार भएको पहिलो खेलमा बिराटनगर वारियर्सले भैरहवा ग्ल्याडियटर्सलाई ८ विकेट पराजित गरेको थियो । भैरहवा ग्ल्याडियटर्सले अब एलिमिनेटरमा विजयी भएको ललितपुर प्यट्रियटस संग दोस्रो क्वालिफयर खेल खेल्नु पर्ने हुन्छ । बुधबारबारको पहिलो खेलमा पहिलो ब्याटिङ्ग गरेको भैरहवा ग्याडियटर्सले २० ओभरमा ८ विकेटको क्षेतीमा १ सय २७ रन बनाएको थियो । बिराटनगर वारियर्सले १७ ओभरमा २ विकेटको क्षेतीमा विजयी लक्ष्य प्राप्त गरेको थियो । बिराटनगर वारियर्सका लागि सर्वाधिक ६२ रनको योगदान गर्दै अर्ध शतक पुरा गरेका बबर हायात यस खेलको प्लेएर अफ लि म्याच घोषित भएका थिए । कीर्तिपुरमा बुधबार भएको दोस्रो खेलमा ललितपुर प्यट्रियटसले पोखरा राईनोजलाई २७ रनले पराजित गरेको थियो पाराजित गरेको छ । पहिलो ब्याटिङ्ग गरेको ललितपुर प्यट्रियटसले २० ओभरमा ५ विकेटको क्षेतीमा १ सय ३८ रन बनाएको थियो । प्रतिउत्तरमा ब्याटिङ्ग गर्न आएको पोखरा राईनोजले १९।१ ओभरमा १ सय ११ रन बनाउँदा सबै विकेट गुमाउन पुग्यो । ललितपुर प्यट्रियटसका लागि सर्वाधिक ३८ रनको योगदान गर्ने शन्नी पटेल यस खेलको प्लेएर अफ दि म्याच घोषित भएका थिए । ललितपुर प्यट्रियटसले बिहिबार पहिलो क्वालिफयरमा पराजित भएको भैरहवा ग्ल्याडियटर्स संग फाईनल प्रवेशका लागि दोस्रो क्वालीफायर खेल खेल्ने छ ।