टी-२० विश्वकप क्रिकेटको उपाधि वेष्टइण्डिजलाई

Posted on: May 02, 2016 | views: 194

काठमाडौं,चैत २१ । टी-२० विश्वकप क्रिकेटको उपाधि वेष्टइण्डिजले जितेको छ । भारतको कलकत्तामा आइतबार राति सम्पन्न फाइनल खेलमा इंग्ल्याण्डलाई ४ विकेटले हराउँदै वेष्टइन्डिजले उपाधि उचालेको हो ।अन्तिम ओभरमा १९ रन आवश्यक रहेको वेष्टइण्डिजका लागि ब्राथव्हाइटले वेन स्टोक्सको बलमा लगातार छक्का हानेपछि २ बल बाँकि छँदै उपाधि जितेको हो। मर्लोन सामुअल ८५ रनमा अविजित रहे भने ब्रेथवेटले अविजित ३४ रन बनाए । ब्राभो २५ रनमा आउट भए ।  आन्द्र रसेल १ र डवेन सामी मात्र २ रनमा आउट भए, जति बेला वेष्टइण्डिजको स्कोर ६ विकेटको क्षतिमा १०७ रन थियो ।  

यसअघि दुई ओपनरलाई सस्तैमा गुमाएको वेष्टइण्डिजले आफ्नो भरपर्दा ब्याट्म्यान क्रिश गेललाई चार रनमा गुमाएको थियो। यसअघि टस हारेर पहिले ब्याटिङ गरेको इंल्याण्डले निर्धारित २० ओभरको खेलमा ९ विकेट गुमाउँदै १५५ रन बनाएको थियो। उसका लागि जोइ रूटले सर्वाधिक ५४ रन बनाएका थिए। यस्तै जोइ बटलरले ३६ रन बनाएका थिए। वेष्टइण्डिजका लागि कार्लोस् ब्र्याथवेल्ट र ब्राभोले समान ३-३ विकेट लिए। इंग्ल्याण्डका लागि डेभिड विलीले ३ तथा जो रुटले २ विकेट लिए । जितसँगै वेस्ट इन्डिज दोस्रो पटक विश्वकप च्याम्पियन बनेको छ । यसअघि सन् २०१२ मा वेस्ट इन्डिज विश्व च्याम्पियन बनेको थियो ।