जनकपुरमा विद्यालय स्तरीय छात्रा कवड्डी प्रतियोगिता

Posted on: December 22, 2017 | views: 1331

जनकपुरधाम ।

जनकपुरधामको संकट मोचन देवशरण रामरति माध्यमिक विद्यालयमा विद्यालय स्तरीय छात्रा कवड्डी प्रतियोगिता आज सम्पन्न भएको छ ।

लाईफ नेपालले विद्यालयहरुमा सञ्चालन गरेको लैङ्गिक हिंसा न्युनिकण कार्यक्रम अन्तर्गत आयोजना गरिएको सो प्रतियोगितामा कन्या माध्यमिक विद्यालयका छात्रा खेलाडीहरुले संकट मोचन देवशरण रामरति माध्यमिक विद्यालयलाई २४ का विरुद्ध ३५ अंकले पराजित गरेका थिए ।

विद्यालयका व्यवस्थापन समितिका अध्यक्ष तथा जनकपु उपमहानगरपालिकाका पूर्व नगप्रमुख बजरंग प्रसाद साहले खेलको उद्घाटन गर्नु भएको थियो ।

विजयी भएका कन्या माध्यमिक विद्यालयका खेलाडीहरुलाई मेडल तथा शिल्ड प्रदान गरेका थिए ।

धनुषा जिल्लाका ५० वटा सामुदायिक विद्यालयहरुमा लैङ्गिक हिंसा कमगर्नका लागि वाल क्लव मार्फत विभिन्न प्रकारका अतिरिक्त क्रिया कलाप गर्ने काम गरिरहेका छन् ।