नेपाली किशोरी टिम बंगलादेशसँग ६-० ले पराजित

Posted on: December 17, 2017 | views: 3481

काठमाडौं ।

साफ यू–१५ महिला फुटबल च्याम्पियनसिपको पहिलो खेलमा नेपाल फराकिलो अन्तरले पराजित भएको छ  ।


आइतबार भएको पहिलो खेलमा नेपाल आयोजक बंगलादेशसँग उसको घरेलू मैदानमा ६–० गोल अन्तरले पराजित भएको हो ।


ढाकास्थित वीरश्रेष्ठ सहिद सिपाही मोहम्मद मोस्ताफा कमल स्टेडियममा बंगलादेशविरुद्ध नेपाली टोली निरिह बन्दा पहिलो हाफमै चार गोल खान पूगेको थियो ।


दोस्रो हाफमा लयमा फर्कने आसा गरिएपनि नेपालले थप दुई गोल खाँदा एकोहोरो गोल खाँदै हार्न पूग्यो ।


जितसँगै बंगलादेशले ३ अंक जोडेको छ । यो जितसँगै बंगलादेशले फाइनल चरणमा पुग्ने सम्भावना बलियो बनाएको छ  । 


पहिलो खेलमा पराजित भएसँगै फाइनल चरण पुग्ने नेपालको लक्ष्य भने कठिन बन्न पूगेको छ । अब नेपालले दोस्रो खेलमा मंगलबार भारतसँग खेल्ने प्रतिस्पर्धा गर्नेछ । त्यस्तै नेपालले अन्तिम खेलमा भुटानसँग शुक्रबार प्रतिस्पर्धा गर्नेछ ।


दक्षिण एसियाका चार राष्ट्र सहभागी च्याम्पियनसिपमा नेपालसहित आयोजक बंगलादेश, भारत र भुटान रहेका छन् ।