तेस्रो अभ्यास खेलमा नेपाली यु १९ क्रिकेट टोली बिजयी

Posted on: November 05, 2017 | views: 2261

काठमाडौं ।

ए सी सी अण्डर १९ यशिया कप क्रिकेट प्रतियोगिताको तयारीका लागि अहिले बंगलादेशमा अभ्यास गरिरहेको नेपाली टोलीले तेस्रो खेलमा भने बंगलादेशको अण्डर १९ टोलीलाई पराजित गरेको छ ।

अघिल्लो दुई खेलमा पराजित भएको नेपाली अण्डर १९ ले आईतबार भएको खेलमा बंगलादेशको अण्डर १९ लाई ६ विकेटले पराजित गरेको थियो ।

बंगलादेशले दिएको २ सय २६ रनको विजयी लक्ष्य नेपालले ४६।३ ओभरमा ४ विकेटको क्षेतीमा भेट्टाएको थियो ।

नेपालका लागि ९० रनको योगदान गरेको माहमद अशिफ सेख यस खेलको म्यान अफ दि म्याच घोषित भएका थिए ।

मलेसीयामा आयोजना हुने ए सी सी अण्डर १९ यशिया कप क्रिकेट प्रतियोगितामा नेपाल समूह ए मा परेको छ ।

समूह ए मा नेपाल सहित बंगलादेश, मलेसिया र भारत रहेका छन् ।

यसैगरि समूह बि मा श्रीलङ्का, पाकिस्तान, अफ्गानिस्तान र पश्चिम क्षेत्रको विजेताले प्रतिस्पर्धा गर्ने छन् ।

नेपालको पहिलो खेल नोभेम्बर ११ तारिखमा बंगलादेश संग, नेभेम्बर १२ मा भारत संग र नोभेम्बर १४ मा आयोजक मलेसिया संग हुनेछ ।