दोस्रो अभ्यास खेलमा नेपाली नेपाली क्रिकेट टोली पराजित

Posted on: November 04, 2017 | views: 4498

काठमाडौं ।

एसिया कपको तयारीका क्रममा बंगलादेश भ्रमणमा रहेको युथ १९ नेपाली किशोर टिम दोस्रो अभ्यास खेलमा पनि पराजित भएको छ ।


शनिबार भएको दोस्रो अभ्यास खेलमा नेपाल, बंगलादेशसँग १२३ रनको फराजिलो अन्तरले पराजित भएको हो ।


घरेलु टोलीले दिएको २२८ रनको लक्ष्य पछ्याएको नेपाल ३६.५ ओभरमा १०४ रनमा अलआउट भयो । नेपालको सुरुदेखि नै सम्हालिन सकेन ।

४ रन जोड्दा ओपनर सन्दिप सुनारलाई गुमाएको नेपालले थप १० रन जोड्दा दोस्रो विकेटका रुपमा आसिफ शेख आउट भए । नेपालले ६० रन जोड्दा महत्वपूर्ण ६ विकेट गुमाइसकेको थियो ।


पवन सर्राफ, रसिद खान र सन्दिप लामिछाने बाहेक अन्य ब्याट्सम्यानले दोहोरो अंक नै जोड्न सकेनन् भने कप्तान दिपेन्द्र सिंह ऐरी शुन्यमै आउट भए । रसिदले २४, पवनले १६ र सन्दिपले १३ रन जोडे ।


यसअघि टस हारेर ब्याटिङको निम्तो पाएको बंगलादेशले ५० ओभरमा ८ विकेट गुमाएर २२७ रन बनायो ।


उसका लागि सैफ हसनले ६२ रन बनाए भने अफिफ हुसेनले ५९ रनको पारी खेले । कप्तान दिपेन्द्र सिंह ऐरी र सन्दिप लामिछानेले समान २(२ विकेट लिएका थिए ।