लायनद्वारा इभर्टन ३–० ले पराजित

Posted on: November 03, 2017 | views: 2117

काठमाडौं । युरोपा लिग फुटबल अन्तर्गत भएको खेलमा इभर्टनलाई लायनले ३–० को अन्तरमा हराएको छ । 


पहिलो हाफ गोलरहित बराबरीमा सकिएको खेलमा लायनका लागि ६८ औं मिनेटमा टारोरे, ७६ औं मिनेटमा अयर र ८८ औं मिनेटमा डिपेले गोल गरेका हुन् । 


८० औं मिनेटमा सेनिडर्लिन दोहोरो पहेँलो कार्ड पाएर बाहिरिएपछि इभर्टन १० खेलाडीमा सिमित भएको थियो । 


यस्तै बिहीबार राति नै भएको खेलमा आर्सनले रेड स्टार बेलग्रेडसँग गोलरहित बराबरी खेले । साथै, भिटोरिया ग्युमारेसले मार्सेलीलाई १–० ले हरायो ।