एएफसी अण्डर १९ फुटबल प्रतियोगिताकोलागि नेपाली टोली किरगिस्तान प्रस्थान

Posted on: October 29, 2017 | views: 305
काठमाडौं ।
एएफसी अण्डर १९ फुटबल प्रतियोगितामा खेल्न नेपाली राष्ट्रिय फुटबल टोली आईतबार किरगिस्तान प्रस्थान गरेको छ ।
अखिल नेपाल फुटबल संघ एन्फाले अर्पन कार्कीको कप्ताननिमा २३ सदस्यि अण्डर १९ राष्ट्रिय फुटबल टोलीको नामावली शनिबार मात्रै सार्वजनिक गरेको थियो ।

प्रतियोगिता अन्तर्गत नेपालले पहिलो खेल आयोजक किरगिस्तान संग आउँदो मङ्गलबार खेल्ने छ ।
यसैगरि दोस्रो खेल बिहिबार बहराईन संग, तेस्रो खेल शनिबार संयुक्त अरब ईमिरेट्स् यु ए ई संग र अन्तिम खेल आउँदो बुधबार ओमान संग खेल्ने  छ ।

प्रतियोगिताको पहिलो चरणमा सहभागि मुलुकहरुलाई १० वटा समूहमा विभाजन गरिएको छ ।
१० वटा समूहबाट उत्कृट एक राष्ट्र अन्तिम चरणका लागि छनोट हुनेछन् भने समग्र समूहको उत्कृष्ट ५ उप विजेता र आयोजक पनि अर्को वर्ष हुने अन्तिम चरणका लागि छनोट हुनेछन् ।

यहि नेपाली टोलीले गत असोजको पहिलो साता भुटानमा सम्पन्न साफ अण्डर १८ फुटबल प्रतियोगिताको उपाधि हात पारेको थियो ।

नेपाली अण्डर १९ राष्ट्रिय फुटबल टोली आईतबार किरगिस्तान प्रस्थान गरेको छ ।

एन्फामा आयोजित कार्यक्रममा राष्ट्रिय खेलकुद परिषदका सदस्य सचिव केशव कुमार विष्ट, एन्फा अध्यक्ष नरेन्द्र श्रेष्ठ लगायतले नेपाली टोलीलाई विदाई गर्नु भएको थियो ।