दिपेन्द्रसिंह ऐरीको नेतृत्वमा एशिया कप क्रिकेट टोलि घोषणा

Posted on: October 29, 2017 | views: 370

काठमाडौं ।

ए सी सी अण्डर १९ यशिया कप क्रिकेट प्रतियोगिताका लागि नेपाली राष्ट्रिय टोलीको घोषणा गरिएको छ ।

मलेसीयामा आयोजना हुने अण्डर १९ कपका लागि दिपेन्द्र सिंह ऐरीको कप्तानीमा आईतबार अन्तिम १५ सदस्यि टोलीको घोषणा गरिएको थियो ।

यसैगरि ४ जना खेलाडिहरुलाई बैकल्पिकका रुपमा राखिएको छ ।

नेपाली टोलीको छनोट मुख्य प्रशिक्षक बिनोद दास र ए सी सी का प्रतिनिधि बेंकटपति राजुले गरेका थिए ।

गत महिना सम्पन्न पूर्विय क्षेत्रको विजेता बन्दै नेपाल एशिया कपका लागि छनोट भएको थियो ।

एशिया कप मलेसियामा नोभेम्बर ११ देखि १९ तारिख सम्म सन्चालन हुनेछ ।

प्रतियोगितामा भारत, पाकिस्तान, श्रीलङ्का, बंगलादेश, अफ्गानिस्तान जस्ता टेस्ट मान्यता प्राप्त राष्ट्र लगायत ८ वटा टोलीको सहभागिता रहने छ ।

तर यस भन्दा अघि प्रतियोगिताको अभ्यासका लागि नेपाली टोली सोमबार बंगलादेश जाने भएको छ ।

बंगलादेशमा रहँदा नेपालले त्यहाँको युवा टोली संग ३ वटा अभ्यास खेल खेल्ने कार्यक्रम रहेको छ ।

नोभेम्बर २, ४ र ५ तारिखमा ३ वटा अभ्यास खेल खेलेपछि नेपाली टोली नोभेम्बर ६ तारिखमा काठमाडौँ फर्कनेछ ।