विश्व पावर लिफ्टिङ्ग प्रतियोगितामा नेपालको ऐतिहासिक सफलता, बाबुछोरालाई रजत र कास्य

Posted on: October 26, 2017 | views: 2591

काठमाडौं । विश्व पावर लिफ्टिङ्ग प्रतियोगितामा नेपालले ऐतिहासिक सफलता प्राप्त गर्न सफल भएको छ ।


भारतको दिल्लीमा जारी प्रतियोगितामा नेपालका तर्पmबाट सहभागी भएका बाबु छोरा दुवैले पदक हात पार्दै ईतिहास रच्न सफल भएका थिए ।


बाबु ज्ञानेन्द्र नकर्मीले मास्टरतर्फ रजत पदक प्राप्त गरेका थिए ।


यसैगरी, पहिलो पटक प्रतियोगितामा सहभागी भएका उनका छोरा रोजिन नकर्मीले १९ वर्ष मुनि उमेर समूहको सव जुनियर समूहमा कांस्य पदक प्राप्त गर्न सफल भएका थिए ।


पावर लिफ्टिङ्गमा नेपाली खेलाडीहरुले राम्रो प्रदर्शन गर्दै आएका छन् ।


यसअघि, सन् २०१४ मा दिल्लीमै भएको प्रतियोगितामा पनि ज्ञानेन्द्र श्रेष्ठले स्वर्ण पदक प्राप्त गरेका थिए भने त्यसै प्रतियोगितामा बुद्धिजंग कार्कीले रजत पदक प्राप्त गरेका थिए । 


यसैगरी, सन् २०१५ मा केरलामा भएको प्रतियोगितामा ज्ञाननारायण महर्जन र २००५ मा दिल्लीमा भएको प्रतियोगितामा दिनेश श्रेष्ठले कांस्य पदक हात पार्न सफल भएका थिए ।