मिडफिल्डर चन्द पुनः इन्डोनेसिया लिग १ को उत्कृष्ट ११ मा

Posted on: October 19, 2017 | views: 656

काठमाडौं ।

नेपाली राष्ट्रिय फुटबल टोलीका मिडफिल्डर रोहित चन्द पुनः इन्डोनेसिया लिग १ को उत्कृष्ट ११ मा छानिएका छन् । लिग १ मा गरेको प्रदर्शनको आधारमा रोहित प्रतिष्ठित वेबसाइट गोल डट कमको उत्कृष्ट ११ मा पर्न सफल भएका हुन् ।


यसअघि उनी १३ औं, १४ औं र १५ औं संयुक्त रुपमा साताका लागि उत्कृष्ट ११ मा छनोट भएका थिए । आइतबार पर्सिजा जाकार्ताले ग्रिसिक युनाइटेडलाई ५–० ले हराउँदा रोहितले पनि गोल गरेका थिए ।


अंक तालिकाको पुछारमा रहेको ग्रिसिकलाई हराएको पर्सिजा जाकार्ता ४९ अंकसहित छैटौं स्थानमा यथावत रहेको छ । रोहितको टोलीले अहिले सम्मका २९ खेलमा १३ जित, १० बराबरी र ६ खेलमा हार बेहोरेको छ । 


१ खेल कम खेलेको भयांकरा ५९ अंकसहित शीर्ष स्थानमा रहेको छ । १८ टोलीको सहभागिता रहेको लिग १ मा ग्रिसिकको १० अंक छ ।


चोटका कारण झन्डै एक बर्ष मैदान बाहिर रहेर गत वर्षमा उनी लक्ष्मी हुन्डाई मनाङ मस्र्याङ्दीमार्फत फुटबलमा फर्केका थिए । 


चोटबाट फर्केपछि राष्ट्रिय टोलीमा समेत पुनरागमन गर्दै रोहितले एसियन कप छनोटमा फिलिपिन्स, यमन र ताजकिस्तानविरुद्ध २ खेल खेलिसकेका छन् । मनाङबाट खेल्दा खेल्दै उनी पर्सिजामा आबद्ध भएका थिए ।