खेलकुदमा दुखद दिन । विश्व लिग क्रिकेटमा घटुवा, फुटसलमा पराजित, फुटवलमा ओरालो

Posted on: October 16, 2017 | views: 417

काठमाडौं ।

आई सी सी विश्व कप लिग क्रिकेट अन्तर्गत नेपाल र हङकङबिचको दोस्रो खेल सोमबार पनि स्थगित भए पछि नेपाल डिभिजन टु मा झरेको छ ।


आईतबार हुनु पर्ने खेल समुन्द्रि आँधिको सम्भावनाका कारण सोमबारका लागि सारिएको थियो ।

सोमबार पनि पानी पर्न नरोकिएकोले खेल स्थगित भए पछि नेपाल र हङकङले समान १÷१ अङ्क बाँडेका थिए ।


हङकङ संग शुक्रबार भएको पहिलो खेलमा नेपाल ८३ रनले पराजित भएको थियो ।

यो पराजय संगै नेपाल संयुक्त अरब ईमिरेट्स् यु ए सी संग हुने दुई वटा खेल अगावै डिभिजन टु मा झर्दै प्रतियोगिताबाट बाहिरिएको छ ।


आई सी सी विश्व कप लिग क्रिकेटमा अहिले सम्मका खेलबाट नेदरल्याण्डस् १८ र पपुवा न्यू गिनी १६ अङ्क सहित विश्व कप छनोटमा प्रवेश गरिसकेका छन् ।


जारी आई सी सी विश्व कप लिगबाट श्रीर्ष ४ राष्ट्रले आई सी सी विश्व कप छनोटमा स्थान बनाउने छन् ।


यसैगरि पाँचौ देखि आठौँ सम्मका राष्ट्र डिभिजन टु मा झर्ने छन् ।

ओमान र क्यानडा भने डिभिजन टु मा उक्लेका छन् ।


जारी प्रतियोगिताबाट डिभिजन टु मा झरेका ४ र भर्खरै डिभिजन टु मा उक्लेका यी दुई राष्ट्रबिच फेरी आई सी सी विश्व कप छनोटमा प्रवेशका लागि सन् २०१८ को प्रारम्भमा प्रतिस्पर्धा हुनेछ ।


यी ६ वटा राष्ट्र मध्येबाट दुई श्रीर्ष राष्ट्र विश्व कप छनोटमा सहभागी हने छन् ।


ए यफ सी फुटसल प्रतियोगिताको दोस्रो खेलमा पनि नेपाल पराजित भएको छ ।


ईरानको टिबरिजमा सोमबार भएको खेलमा किरगिस्तानले नेपाललाई ५÷० गोल अन्तरले पराजित गरेको थियो ।


आईतबार भएको पहिलो खेलमा नेपाल उज्वेकिस्तान संग १४÷१ गोलको विशाल अन्तरले पराजित भएको थियो ।


यो नेपालको पहिलो अन्तराष्ट्रिय फुटसल प्रतियोगिता हो ।


यो पराजय संंगै प्रतियोगिताबाट बाहिरिए पनि नेपालले तेस्रो तथा अन्तिम खेल मंगलबार तुर्किमिनिस्तान संग खेल्नु पर्ने छ । 


यता फुटबलको सर्वोच्च निकाय फिफाको वरियता क्रममा पुन नेपाल एक स्थान तल झरेको छ ।


जारी अक्टोबर महिनाको वरियतामा नेपाल एक स्थान तल झर्दै १ सय ७६ औँ स्थानमा पुगेको छ ।


सार्क राष्ट्रहरुमा भारत प्रथम, अफ्गानिस्तान दोस्रो, माल्दिभ्स् तेस्रो र नेपाल चौथो स्थानमा रहेका छन् ।


यसैगरि भुटान पाँचौ, बंगलादेश छैठौँ, श्रीलङ्का सातौँ र पाकिस्तान आठौँ स्थानमा रहेका छन् ।

फिफा विश्व वरियतामा जर्मनी प्रथम, ब्राजिल दोस्रो र पोर्चुगल तेस्रो स्थानमा रहेका छन् ।