नेपाल र हङकङबीचको दोश्रो खेल हुँदै, यस्तो छ नेपालको तयारी र अवस्था

Posted on: October 14, 2017 | views: 514

काठमाडौं । आई सी सी विश्वकप लिग क्रिकेट अन्तर्गत नेपाल र हङकङबीचको दोश्रो खेल भोलि हङकङमा हुँदैछ ।


हङकङसँग हिजो भएको पहिलो खेलमा नेपाल ८३ रनले पराजित भएको थियो ।


राम्रो बलिङ्ग गर्दै नेपालले हङकङलाई १९४ रनमा रोक्न सफल भए पनि ब्याटिङ्गमा भने निकै कमजोर देखियो । नेपालका कुनै पनि ब्याट्स् म्यानहरुले खासै रन बनाउन सकेन्न् ।


नेपालले १५.१ ओभर खेल्न बाँकी छँदै १११ रन बनाउँदा सबै विकेट गुमाएको थियो ।


आई सी सी विश्वकप लिग क्रिकेट प्रतियोगिता अन्तर्गत हङकङसँगको खेलपछि नेपालले संयुक्त अरब ईमिरेट्स् यु ए ईसँग पनि २ वटा खेल खेल्ने छ ।


नेपालले यी सबै खेलमा पराजित भए पनि विश्वकप छनोटमा स्थान बनाउने मौका भने अभैm बाँकी रहने छ ।


केन्या र स्कटल्याण्ड तथा हङकङ र पपुवा न्यू गिनीबिचको खेलका निर्णयले पनि नेपालको विश्वकप छनोटमा सहभागिता हुने या नहुने निर्धारण गर्ने छ ।


जारी आई सी सी विश्वकप लिगबाट शीर्ष ४ राष्ट्रले आई सी सी विश्वकप छनोटमा स्थान बनाउने छन् ।


यसैगरी पाँचौंदेखि आठौंसम्मका राष्ट्रले पनि फेरि अन्तिम एक मौका पाउने छन् ।


जारी प्रतियोगिताबाट संयुक्त अरब ईमिरेट्स् यु ए ई र नामिबिया दोश्रो डिभिजनमा रेलिगेट भईसकेका छन् । 


यसैगरी ओमान र क्यानडा विजेता र उपविजेता हुँदै दोश्रो डिभिजनमा उक्लेका छन् ।


जारी प्रतियोगिताबाट छनोट हुन नसकेका ४ र भर्खरै दोश्रो डिभिजनमा उक्लेका यी दुई राष्ट्रबिच फेरि आई सी सी विश्वकप छनोटमा प्रवेशका लागि सन् २०१८ को प्रारम्भमा प्रतिस्पर्धा हुनेछ ।

यी ६ वटा राष्ट्र मध्येबाट दुई शीर्ष राष्ट्रले फेरि विश्वकप छनोटमा सहभागिताको मौका पाउने छन् ।