कराँते खेलाडी उज्ज्वल ठकुरीले बनाए अमेरिकामा यस्तो विश्व रेकर्ड

Posted on: October 09, 2017 | views: 303

एजेन्सी ।

कराँते खेलाडी उज्ज्वल ठकुरीले विश्व रेकर्ड कायम गर्दै नाम लेखाउन सफल भएका छन् ।


अमेरिकामा “हु इज हु ब्लाक बेल्ट लिजेण्ड अवार्ड बाट सम्मानित भएको केही दिनमा ठकुरीले गिनिजबुकमा नाम लेखाएका हुन् ।


अमेरिकन मरिन गोजु कराँतेका ५ डान गोडान खेलाडी ठकुरी केहीदिन अघि अमेरिका भरि सर्वश्रेष्ठ खेलाडी चिनाउने लिजेण्ड पुरस्कारबाट सम्मानित भएका थिए ।


ठकुरीले गिनिज बुकमा रहेको भ्यानडम शैलीद्वारा अधिक वजन पुरुषहरुले उठाउने विधामा ५० केजी को रेकर्डलाई तोडेर ६३.५८ केजी उठाई नयाँ विश्व रेकर्ड कायम गरी आफ्नो नाम लेखाएका हुन् ।


यो विश्व रेकर्ड कायम गर्न विशेष गरी साथ दिनु हुने एचकेलि ताईक्वान्दोसंचालक ग्राण्ड मास्टर एचकेलि अन्तरराष्ट्रियका प्रशिक्षक ६ डान मास्टर कृष्णबहादुर बलाल, ७ डान मास्टर साङ् इल् ह्वाङ, प्रशिक्षक ३ डान राष्ट्रिय खेलाडी रसद मेलोर तथा हाइ रेड बेल्ट मास्टर जेस्म ए रोल्लिङ जुनियर र दुई सानो ब्लाक बेल्टलाई पनि हृदय देखि धन्यवादको साथसाथै अर्को सहयोगी परिवार लि वूद एशोसियसन परिवारलाई पनि धन्यवाद ज्ञापन दिएका छन् ।


ठकुरीको जन्म काठमाडौंमा ४२ बर्ष पहिला भएको थियो । उनी काठमाडौंबाट अमेरिका १५ बर्ष अघि खेलाडीका रुपमा गएका हुन् ।


वर्ल्ड टाईटल बेल्ट, वर्ल्ड च्याम्पियन बेल्ट, दुईवटा राष्ट्रिय स्वर्ण पदक , दुईवटा अन्तरराष्ट्रिय कप त्यस्तै गरि दुईवटा अन्तरराष्ट्रिय ट्रफी लगायत विविध विधाका स्वर्ण पदक जिति सकेका ठकुरीले आगामी दिनमा अझै तिन किसिमको छुट्टा छुट्टी विधामा ” गिनिज बुक अफ वर्ल्ड रेकर्ड ” कायम गर्न आफू हरदम प्रायसरत रहेको र त्यसमा सफलता मिल्ने विश्वास व्यक्त गरेका छन् ।