शारीरिक सुगठन टोली पाकिस्तानतर्फ

Posted on: May 02, 2016 | views: 170

काठमाडौं, चैत १७  ।
एघारौं दक्षिण एसियाली शारीरिक सुगठन प्रतियोगितामा भाग लिन ४ खेलाडीसहित ६ सदस्यीय नेपाली टोली बुधबार पाकिस्तान प्रस्थान गरेको छ ।

पुरुषको ५५ केजीमा सुरेश गुरुङ, ६० केजीमा रवि महर्जन, ६५ केजीमा अनिललाल श्रेष्ठ तथा ७० केजीमा महेश्वर महर्जनले प्रतिस्पर्धा गर्ने छन् । प्रतियोगिता चैत १७ देखि २२ गतेसम्म सञ्चालन हुनेछ ।

टोली नेतामा नेपाल शारीरिक सुगठन तथा फिट्नेस संघका अध्यक्ष राजेशबाबु श्रेष्ठ तथा अफिसियलमा संघका प्रथम उपाध्यक्ष एवं अन्तर्राष्ट्रिय निर्णायक विजयलाल कायश्थ रहेका छन् । टोलीलाई संघले कालीमाटीस्थित डिभाइन फिजिकल फिट्नेस सेन्टरमा बुधबारै एक कार्यक्रमबीच बिदाइ ग¥यो ।