विश्व कप फुटबल छनोटमा : आयरल्यान्डसँग बराबरीको खोजीमा जर्मनी

Posted on: October 05, 2017 | views: 3286

एजेन्सी – विश्व कप फुटबल छनोटमा आज विश्व विजेता जर्मनीले नर्दन आयरल्यान्डको सामना गर्दै छ । समूहको शिर्षस्थानमा रहेको जर्मनीलाई आजको खेलमा बराबरी पर्याप्त छ । छनोट अन्तर्गत समूह ‘सी’ को शिर्षस्थानमा जर्मनीको २४ अंक छ भने दोस्रो स्थानमा रहेको नर्दन आयरल्यान्डको १९ अंक छ ।

९ समूहमा विभाजित ५४ राष्ट्र मद्धे हरेक समूहका विजेताले स्वतः रुस विश्वकपमा स्थान पाउनेछन् भने दोस्रो स्थानका उत्कृष्ट ८ टोलीले अर्को ४ स्थानका लागि ‘होम एन्ड अवे’ प्ले अफमा भिड्नेछन् । आजको खेलमा बराबरी गरेमा जर्मनी अन्तिम खेल अघि नै समूह विजेता हुनेछ ।