यु–१८ साफ फुटबलको निर्णायक खेलमा नेपाल भारतबिरुद्ध खेल्दै

Posted on: September 26, 2017 | views: 3085

काठमाडौं ।

१८ वर्ष मुनि उमेर समूहको साफ फुटबल प्रतियोगितामा नेपालले बुधवार भारतसँग निर्णायक खेल खेल्दैछ ।


प्रतियोगितामा पहिलो खेलमा आयोजक भुटानसँग हारेको नेपालले दोश्रो खेलमा माल्दिभ्स् र तेश्रोे खेलमा लिगको श्रीर्ष स्थानमा रहेको बंगलादेशलाई पराजित गरेको थियो ।


प्रतियोगितामा सहभागी सबै राष्ट्रको समान ६ अङ्क रहेको भने माल्दिभ्स् मात्र अङ्कविहीन रहेको छ ।


प्रतियोगितामा सबैभन्दा बढी अङ्क बटुल्ने टोली प्रथम हुनेछ ।


अन्तिम खेलमा नेपालले भारतलाई पराजित गरे प्रतियोगिताको विजेता बन्ने छ ।


नेपाल भारतसँग पराजित भयो र बंगलादेशले भुटानलाई हरायो भने बंगलादेश प्रतियोगिताको विजेता बन्ने छ ।


अन्तिम समयमा आएर श्रीलङ्काले प्रतियोगितामा नखेल्ने जनाएपछि २ समूहमा विभाजन गरी बनईएको खेल तालिका परिवर्तत गर्दै राउण्ड रबिनका आधारमा प्रतियोगिता सञ्चालन गरिएको थियो ।