साफ यू-१८ च्याम्पियनसिप : नेपालको पहिलो खेल भुटानसँग

Posted on: September 13, 2017 | views: 248

काठमाडौं । भुटानमा हुने साफ यू-१८ च्याम्पियनसिपको टाइसिट सार्वजनिक गरिएको छ । आगामी असोज २ देखि ११ गतेसम्म भुटानमा आायोजना हुने प्रतियोगितामा सार्कका पाकिस्तान र श्रीलंकाबाहेक ५ टोलीको सहभागिता छ ।

प्रतियोगिता लिग प्रणाालीमा सञ्चालन हुन्छ । सहभागी पाँच टोलीले एक अर्कासँग खेलेर पाएको अंकका आधारमा उपाधि बिजेता, उपबिजेता र तेस्रो स्थानको निर्णय हुनेछ ।

दुई वर्षअघि नेपालमा सम्पन्न साफ यू-१९ च्याम्पियनसिपको नतिजाका आधारमा टिमको र्‍याङकिङ गरिएको छ । नेपाल साफ यू-१९ बिजेताको हैसियतले पहिलो श्रेणीमा छ ।

प्रतियोगितामा नेपाले आफ्नो पहिलो खेल असोज ४ गते घरेलु टोली भुटानसँग खेल्नेछ । त्यस्तै असोज ६ गते माल्दिभ्ससँग, ९ गते बंगलादेशसँग र ११ गते भारतसँग खेल्नेछ ।