आई सी सी विश्व क्रिकेट लिगका लागि टोली सार्वजनिक

Posted on: September 06, 2017 | views: 284

काठमाडौं ।

आई सी सी विश्व क्रिकेट लिग प्रतियोगिता खेल्ने अन्तिम १४ जना नेपाली राष्ट्रिय क्रिकेट टोलीका खेलाडीको नामावली बुधबार सार्वजनिक भएको छ ।


लिग प्रतियोगिता अन्तर्गत नेपालले हङकङसँग आउँदो अक्टोबर महिनाको १३ र १५ तारिखमा दुई वटा खेल खेल्ने छ ।


बन्द प्रशिक्षणमा राखिएका २५ जना खेलाडीहरु मध्यबाट बुधबार १८ जना खेलाडी छनोट गरिएको हो ।


नेपाली टोलीको कप्तानी पारस खड्काले सम्हाल्ने छन् । बाँकी ४ जना खेलाडीको चाँडै छनोट गरिने क्रिकेट संघ नेपाल क्रिकेट संघका प्रविधि विश्लेषक रमन शिवाकोटीले जानकारी दिनुभयो ।


प्रशिक्षक जगत टमाटा र कप्तान पारस खड्ले अन्तिम टोलीको छनोट गरेका हुन् ।


नेपाल र हङकङबिचको दुवै खेल हङकङ मै हुनेछ ।


नेपाल प्रतियोगितामा १० खेलबाट ८ अङ्क प्राप्त गरी छैठौँ स्थानमा रहेको छ भने हङकङ ११ अङ्क सहित चौथो स्थानमा रहेको छ ।