साउने सोमबार पशुपतिमा भक्तजनको भीड

Posted on: July 17, 2017 | views: 260

काठमाडौं ।

साउनको पहिलो सोमबार आज बिहानदेखि पशुपतिनाथ मन्दिरमा भक्तजनको भीड लागेको छ । 


बिहान ३ बजेपछि  तीन ढोका खोलिएको थिए र अहिले सम्मपनि भक्तजनहरुको दर्शन गर्ने क्रम जारी रहेको पशुपति क्षेत्र विकास कोषका निर्देशक भोला सिटौलाले जानकारी दिनुभयो ।


साउनमा बिशेषगरी महिलाहरु हरियो चुरा पोतेमा सजिएर भगबान शिबको पुजा आरधना गर्ने गर्दछन् । 


यसैगरी केदारनाथको शिर डोलेश्वर महादेवको मन्दिरमा भक्तजनकोे भीड लागेको छ । 


भक्तपुरको दत्तात्रय मन्दिर, आशापुरी महादेव मन्दिर, नगरकोट महादेव पोखरी, कलमसी कल्पेश्वर महादेवलगायतका शिव मन्दिरमा भक्तजनको ठूलो भीड लागेको छ ।