व्यापारी श्रेष्ठसँगै अपहरित रण बहादुरको पनि हत्या, गुफामा भेटियो शव

Posted on: July 12, 2017 | views: 617

सल्यान ।

तुलसीपुरका प्रतिष्ठित व्यापारी राजकुमार श्रेष्ठसँगै अपहरणमा परेका रण बहादुर घर्तीको शव आज फेला परेको छ ।

सल्यान छत्रेश्वरी गाउँपालिका वडा न ४ खर्सुगैराको जंगलमा घर्तीको शव फेला परेको अस्थाई प्रहरी चौकी पोखरीडाँडाका हवल्दार देव जंग शाहले जानकारी दिनु भएको छ ।

राज कुमार श्रेष्ठको शव फेला परेको स्थानदेखि झन्डै १ सय ५० मिटर तलको गुफामा शव फेला परेको प्रहरीले जनाएको छ । 

बुटवल बस्त्रालयका व्यापारी राजकुमार श्रेष्ठसँगै घर्ती गत जेष्ठ २६ गते अपहरणमा परेका थिए ।

घर्तीको पनि श्रेष्ठको हत्या गरेकै दिन जेष्ठ २९ मै हत्या भएको अनुमान गरिएको छ । 

श्रेष्ठ र घर्तीको हत्याको आरोपले प्रहरीले १० जनालाई त्रियन्त्रणमा लिएको छ ।