खसेको भन्दा बढी मत भेटिएको पुनर्वास नगरपालिकामा पुनः मतगणना हुने

Posted on: July 03, 2017 | views: 247

कञ्चनपुर ।

कञ्चनपुरको पुनर्वास नगरपालिकामा पुनः मतगणना हुने भएको छ । 


नगरपालिकाको वडा नं १ मा पुनः मतगणना गर्ने र वडा नं ५ मा पुनः मतगणना गर्न आवश्यक भएको खण्डमा मात्रै निर्वाचन अधिकृतले मतगणना गर्नसक्ने निर्वाचन आयोगले निर्देशन दिएको छ । 


निर्वाचन अधिकृतको कार्यालय पुनर्वासले शनिबार सार्वजनिक गरेको मतपरिणाममा वडा नं १ का कुल मतदाता तीन हजार ५६९ मध्ये कुल खसेको मत संख्या दुई हजार ६७९ र कुल गणना भएको मत दुई हजार ६८८ तथा बदर भएको मत १०४ देखिएपछि विवाद भएको थियो । 


कुल खसेको मतभन्दा ११३ मत बढी देखिएपछि विवाद शुरु भई मतगणनाको कार्य स्थगित भएको थियो ।