मुस्लिम समुदाय इद उल फित्र मनाउँदै

Posted on: June 26, 2017 | views: 286

काठमाडौं ।

आज देश भरका मुस्लिम समुदायले विशेष नमाज पाठ गरी ठूलाबडाबाट आशीर्वाद लिएर इद उल फित्र पर्व मनाइ रहेका छन् ।


अरबी पात्रो हिजरीअनुसार दशौँ महिनाको पहिलो दिन आज विशेष नमाज पाठ गरेपछि मुस्लिम समुदायले तीन दिनसम्म ठूलाबडाकहाँ गएर आशीर्वाद लिने गर्दछन् ।

यस पर्वमा आफूभन्दा सानालाई आशीर्वाद दिने गरिन्छ । आशीर्वाद लिन आउने आफन्तलाई सेवई, खजुरलगायत मीठा खानेकुरा खान दिने चलन छ ।


खुसीपूर्वक दान गरेर दीनदुःखी एवम् गरिबलाई बाँडिने भएकाले यो पर्वलाई इद उल फित्र भनिएको हो ।

अरबी पात्रोअनुसार नवौँ महिनाको अन्तिम दिन हिजो बेलुकी चन्द्रमा देखिएपछि आज इद उल फित्र मनाइएको नेपाली जामे मस्जिदका सचिव मन्सुर हुसेनले राससलाई जानकारी दिनुभयो ।