मतदाता परिचयपत्र वितरण भोलिसम्म

Posted on: June 26, 2017 | views: 208

काठमाडौं ।

दोश्रो चरणमा पर्सी बुधबार हुने स्थानीय तहको निर्वाचनका लागि १, ५ र ७ प्रदेशका ३५ जिल्लामा सम्बन्धित मतदान केन्द्रबाट मतदाता परिचयपत्र वितरण भइरहेको छ ।


दोश्रो चरणको निर्वाचनको लागि सम्बन्धित मतदान केन्द्रबाट मतदाताले सक्कली मतपत्रको अवलोकन, मतदाता शिक्षा र मतदाता परिचयपत्र एकैसाथ पाउने व्यवस्था मिलाइएको निर्वाचन आयोगका प्रवक्ता सूर्यप्रसाद शर्माले जानकारी दिनुभयो । 


स्थानीय तहको दोश्रो चरणको निर्वाचनमा ६४ लाख ३२ हजार ७६५ जना मतदाता रहेको आयोगले जनाएको छ ।

निर्वाचन आयोगले मतदाता परिचयपत्र वितरणका लागि भोलिसम्मको समय तोकेको छ ।