कामु प्रधानन्यायाधीश पराजुलीद्वारा कार्यभार शुरु

Posted on: June 07, 2017 | views: 176

काठमाडौं ।

सर्वोच्च अदालतका वरिष्ठतम् न्यायाधीश गोपाल पराजुलीले आजदेखि सर्वोच्च अदालतको कायममुकायम प्रधानन्यायाधीशको काम शुरु गर्नुभएको छ । 


प्रधानन्यायाधीश सुशीला कार्की हिजो उमेर हदका कारण सेवानिवृत्त हुनु भएपछि वरिष्ठतम् न्यायाधीश पराजुलीले कायममुकायम प्रधानन्यायाधीशका रुपमा काम सुरु गर्नुभएको हो । 


पराजुलीले आजदेखि इजलास र पेसी तोक्ने काम सुरु गर्नुभएको सर्वोच्च अदालतका सहप्रवक्ता विश्वराज पौडेलले जानकारी दिनुभयो । 


न्यायपरिषद्ले बैठक बसी प्रधानन्यायाधीशमा नाम सिफारिस गर्नुपर्ने भए पनि हालसम्म बैठक नै बसेको छैन ।