अब प्रधानमन्त्री सहित १८ मन्त्रालय मात्र हुने, यस्ता छन् मन्त्रालयका नाम

Posted on: May 31, 2017 | views: 298

काठमाडौं ।

सरकारले संघीय सरकारमा प्रधानमन्त्री सहित १८ जना मन्त्री मात्रै रहनेगरि प्रस्ताव गरेको छ ।


सरकार टिकाउनकै लागि ५० बढी मन्त्री समेत बनाएका नेताहरुलाई नियममा बाध्नेगरि यस्तो प्रस्ताव राखिएको हो ।


अधिकार सम्पन्न संघीय प्रशासनिक पुनः संरचना समितिले बुधवार संसदको राज्यव्यवस्था समितिमा पेश गरेको प्रतिवेदनमा १८ मन्त्रालयको प्रस्ताव गरिएको छ ।


सरकारले गत वैशाख २१ गते सामान्य प्रशासन मन्त्री केशवकुमार बुढाथोकीको संयोजकत्वमा अधिकार सम्पन्न समिति गठन गरेको थियो ।


समितिमा एमाले सांसद राजेन्द्र पाण्डे, कांग्रेस सभापती शेरबहादुर देउवा पत्नी आरजु देउवा राणा, माओवादीकी रेखा शर्मा, राप्रपाका भुवन पाठक सदस्य थिए ।


यसबारे आगामी शुक्रवारको बैठकमा छलफल हुने भएकोछ । राज्यमन्त्रीहरु समेत राखेर बढिमा २५ सदस्यीय मन्त्रिपरिषद गठन हुने संवैधानिक प्राबधान राखिएको छ ।


प्रस्ताव कार्यन्वयन सहजीकरण समिति समेत बनिसकेको छ । समितिमा प्रशासनिक क्षेत्र तथा सुचना विज्ञ काशिराज दाहाल संयोजक हुनुहुन्छ भने कुमार योन्जन तामाङ, मधुरमण आचार्य, माधवप्रसाद रेग्मी, बिजयकुमार मल्लिक सदस्य रहेका छन् । यसैगरि समितिको सदस्य सचिवमा निता पोखरेल अर्याल रहेकी छन् ।


यस्ता छने प्रस्ताव गरिएका नयाँ १८ मन्त्रालयहरु

  • गृह मन्त्रालय
  • जलस्रोत तथा उर्जा मन्त्रालय
  • परराष्ट्र मन्त्रालय
  • भौतिक पुर्वाधार, यातायात तथा नागरिक उड्डयन मन्त्रालय
  • रक्षा मन्त्रालय
  • अर्थ तथा योजना मन्त्रालय
  • संघीय मामिला तथा सामान्य प्रशासन मन्त्रालय
  • कानुन न्याय तथा संसदीय मामिला मन्त्रालय
  • उद्योग वाणिज्य तथा आपूर्ति मन्त्रालय
  • पर्यटन तथा संस्कृति मन्त्रालय
  • सूचना तथा सञ्चार मन्त्रालय
  • स्वास्थ्य मन्त्रालय
  • कृषि सहकारी तथा भूमी व्यवस्थापन मन्त्रालय
  • शिक्षा तथा खेलकुद मन्त्रालय
  • वन तथा वातावरण मन्त्रालय
  • विज्ञान प्रविधि मन्त्रालय
  • महिला समावेशीकरण तथा सामाजिक न्याय मन्त्रालय
  • मानव संशाधन, युवा, श्रम तथा रोजगार मन्त्रालय