बरुण नदिको बाढीले अरुण नदी थुनिंदा २ किलो मिटरको ताल, ८० घर जोखिममा

Posted on: April 21, 2017 | views: 162

काठमाडौं ।

संखुवासभाको भोटखोलाको स्याक्सीला गोलामा बरुण नदीमा आएको बाढीले अरुण नदी थुनिंदा २ किलो मिटर लामो ताल बन्न पुगेको छ ।


संखुवासभाका प्रमूख जिल्ला अधिकारी शिवराज जोशीका अनुसार नदी थुनिंदा २ किलो मिटर लामो ताल बन्न पुगेको छ । जसका कारण तत्काल ७ घरमा क्षति परेको छ भने ८० घर जोखिमा परेका छन् ।


प्रजिल जोशीले हिमताल फुटेर अरुण नदीमा बाढी आएको हुनसक्ने भन्दै सो क्षेत्रवरपरका वासिन्दालाई समेत हुन आग्रह गरिएको जानकारी दिनुभयो ।


गृहमन्त्री विमलेन्द्र निधिले अरुण नदीमा बनेको तालको पानी सुरक्षित रुपमा निकासा गर्न निर्देशन दिएपछि गृहमन्त्रालयबाट विज्ञ सहितको टोलि हेलिकोप्टरबाट निरिक्षणका लागि संखुवासभा जाँदैछ ।