मधेशी मोर्चाले निर्वाचन बहिस्कार भने लगत्तै बीरगञ्जमा बम आतंक

Posted on: April 16, 2017 | views: 186

बीरगञ्ज । अज्ञात समूहले वीरगंजको घण्टाघर देखि बसपार्क जाने लिंक रोडमा आज दिउंसो शंकास्पद अवस्थामा छोडेको कालो झोलाले सो क्षेत्रमा झण्डै २ घण्टा देखि आतंक मच्चिएको छ ।

झोलामा बम भएको र धुवा समेत निस्किएको जानकारी स्थानियबासिन्दाले प्रहरीलाई गराएपछि नेपाल प्रहरी, सशस्त्र प्रहरी र नेपाली सेनाको टोलीले घटना स्थललाई घेराबन्दी गरेको छ । घण्टाघर नजिकै शंकास्पद बस्तु भेटिएसंगै सो क्षेत्रको ट्राफिक व्यवस्थापन अस्तव्यस्त भएको छ ।

शंकास्पद वस्तु भेटिएपछि प्रहरी तथा सशस्त्र प्रहरीले लिंक रोड हुदै बस पार्कबाट घण्टाघर आउने र घण्टाघरबाट बस पार्क जाने सडक खण्ड तथा रेल्वे सडक खण्ड समेत रोकेपछि ट्राफिक व्यवस्थापन अस्तव्यस्त भएको छ ।

मधेशी मोर्चाले निर्वाचन बहिष्कारको घोषणा गरे लगतै शंकास्पद वस्तु भेटिएपछि स्थानियवासिन्दा त्रसित भएका छन् । नेपाली सेनाको बम डिस्पोजल टोलीले शंकास्पद बस्तु डिष्पोज गर्ने तयारी गरी रहेको जिल्ला प्रशासन कार्यालय पर्साले जनाएको छ ।