अर्याललाई आईजिपि बनाउनुको कारण देखाउन प्रधानमन्त्रीलाई आदेश

Posted on: April 12, 2017 | views: 438

काठमाडौं ।

सर्वोच्च अदालतले प्रहरी महानिरीक्षक पदमा प्रकाश अर्याललाई बढुवा गर्नुको कारण अगामी वैशाख १५ गतेभित्र लिखित रुपमा पेस गर्न सरकारका नाममा आज कारण देखाउ आदेश जारी गरेको छ । 


न्यायाधीश ईश्वरप्रसाद खतिवडाको एकल इजलासले रिटको सुनवाई आगामी बैशाख १९ गतेको पूर्ण इजलासमा हुने आदेश भएको सर्वोच्च अदालतका प्रवक्ता महेन्द्रप्रसाद उपाध्यायले जानकारी दिनुभयो । 


प्रहरी नायब महानिरीक्षक नवराज सिलवालले सरकारले गैरकानुनी रूपमा प्रकाश अर्याललाई प्रहरी महानिरीक्षकमा बढुवा गरेको भन्दै आफूलाई महानिरीक्षक बनाउन माग गरेर हिजो सर्वोच्च अदालतमा रिट निवेदन दायर गर्नुभएको थियो ।