राष्ट्रपति भण्डारी भारत गएपछि सुध्रेला त भारत ?

Posted on: April 12, 2017 | views: 396

काठमाडौं ।

छिमेकी राष्ट्र भारतको भ्रमणमा जाने हुनुभएकी राष्ट्रपति विद्या भण्डारीको आसन्न राजकीय भारत भ्रमणको कार्यक्रम सार्वजनिक भएको छ ।

वैशाख ४ गते भारत भ्रमणमा गएर ८ गते फर्कने हुनुभएकी राष्ट्रपति भण्डारी पहिलो राजकीय बिदेश भ्रमणका रुपमा भारत जाने हुनुभएको हो ।


राष्ट्रपति भण्डारीले भारतीय समकक्षी प्रणव मुखर्जीसँग भेटवार्ता गर्नुका साथै उपराष्ट्रपति मोहम्मद हमिद अन्सारी र प्रधानमन्त्री नरेन्द्र मोदीसँग पनि भेटवार्ता गर्ने कार्यतालिका रहेको छ ।


राष्ट्रपति भण्डारीले दिल्लीमा उच्चस्तरीय भेटवार्ता गर्नुका साथै गुजरात र उडिसाको भ्रमण गर्ने तय भएको छ ।


यो भ्रमणमा नेपाल भारत सम्वन्ध थप मजवुत हुने विश्वास लिइएको भारतीय विदेश मन्त्रालयले लेखेको छ ।


नेपालको संविधान जारीका समयमा अवरोध गर्नुका साथै राजनीतिक हस्तक्षेप र गत बर्ष नेपालमाथि ६ महिना लामो नाकाबन्दी गरेको भारत बिरुद्ध नेपालमा आक्रोस बढिरहेकै बेलामा भारतीय निम्तोमा राष्ट्रपति भण्डारी भ्रमणमा जान लाग्नुभएको हो ।


नेपालको संविधानको स्वागत समेत नगरको भारतले नेपाली सिमा मिच्दा त्यसको बिरोध गरेकै कारण कञ्चनपुरमा एक नेपालीको गोली हानी हत्या गरेपछि नेपालमा भारत बिरुद्ध झनै आक्रोश बढीरहेको छ ।