स्थानिय चुनाव एकैपटक प्रमुख-आयुक्त, ५५ संस्थाद्धारा पर्यवेक्षण निवेदन

Posted on: April 11, 2017 | views: 243

काठमाडौं ।

प्रमुख निर्वाचन आयुक्त अयोधीप्रसाद यादवले स्थानीय तह निर्वाचनको मिति सार्ने वा दुई पटक गरेर निर्वाचन सम्पन्न गर्ने बिषयमा अहिलेसम्म नसोचिएको बताउनुभएको छ ।  


निर्वाचन अधिकृतहरुका लागि आयोजना गरिएको तालिममा प्रमुख निर्वाचन आयुक्त यादवले तोकिएकै समयमा स्थानीय तहको निर्वाचन सम्पन्न हुने बताउनुभयो । 


प्रमुख निर्वाचन आयुक्त यादवले असहमतिका बाबजुद पनि तराई केन्द्रीत दल सहमतिमा नै निर्वाचन प्रक्रियामा आउने विश्वास व्यक्त गर्नुभयो । 


पोखरामा आज आयोजित पत्रकार भेटघाटमा निर्वाचन आयुक्त ईश्वरीप्रसाद पौडेलले बैशाख ३१ गते स्थानीय तहको निर्वाचन गराउन आयोग अन्तिम चरणमा पुगेको बताउनुभयो । 


निर्वाचन पर्यवेक्षणका लागि ५५ वटा संस्थाद्वारा निवेदन


स्थानीय तहको निर्वाचन पर्यवेक्षणका लागि ५५ वटा सघ संस्थाले निवेदन दिएका छन ।


५५ निवेदनमध्ये ४९ वटा काठमाडौबाट र बाँकी आवेदन दैलेख, पर्सा र सुर्खेतबाट परेको निर्वाचन पर्यवेक्षण व्यवस्थापन इकाइले जनाएको छ । 


पर्यवेक्षण गर्न चाहने सघ संस्थालाई यही चैत २८ गतेसम्म आवेदन दिन आयोगले सूचना जारी गरेको थियो ।