महानिरिक्षकमा मनलाग्दी गर्न खोज्ने देउवालाई जवाफ लिएर आउन सर्वोच्चको आदेश

Posted on: April 06, 2017 | views: 407

काठमाडौं ।

नेपाल प्रहरीको महानिरिक्षक नियुक्तीमा नियम र वरिष्ठाता मिच्दै आफु निकटका विवादास्पद व्यक्ति नियुक्त गरेकोमा सर्वोच्चले रोकेपछि सर्वोच्च बिरुद्धनै उत्रिएका काँग्रेस सभापती शेरबहादुर देउवालाई सर्वोच्च अदालतले कारण देखाउन आदेश दिएको छ ।


सर्वोच्च अदालतले देउवालाई अदालतको अवहेलनासम्बन्धी मुद्दामा कारण देखाऊ आदेश जारी गरेको हो । 


न्यायाधीश ईश्वरप्रसाद खतिवडाको एकल इजलासले आज सभापति देउवालाई अदालतको अवहेलनासम्बन्धी मुद्दामा १० दिनभित्र लिखित जवाफसहित उपस्थित हुन नेपाली काँग्रेस पार्टी कार्यालयका नाममा आदेश दिएको हो । 


आदेशमा के कारणले अदालतको अवहेलनासम्बन्धी अभिव्यक्ति दिएको हो त्यस सम्बन्धमा खुलाई लिखित जवाफ पेस गर्न भनिएको छ । 


अधिवक्ता हरिप्रसाद मैनालीले नेपाली काँग्रेस र नेपाली काँग्रेसका सभापति देउवालाई अदालतको अवहेलना गरेको आरोपमा यही चैत २० गते मुद्दा दायर गर्नुभएको थियो । 


मुद्दामा नेपाल प्रहरीको महानिरीक्षक नियुक्तिका विषयमा सर्वोच्च अदालतले गरेको फैसला आदेशले कार्यपालिकाको अधिकारमा हस्तक्षेप गरेको भन्दै निर्णय शक्ति पृथकीकरणको मान्यताभन्दा विपरीत रहेको काँग्रेस केन्द्रीय समितिको बैठकले निर्णय गरेको उल्लेख छ ।