काँग्रेस युवा नेता शाहको हत्या बिल्पव माओवादीले गरेको खुलासा

Posted on: April 04, 2017 | views: 388

जाजरकोट ।

जाजरकोट नेपाली का“ग्रेसका युवा नेता ३७ वर्षी रविन्द्र शम्शेर शाहको हत्या विप्लव माओवादी कार्यकर्ताले गरेको खुलासा भएको छ । 


आर्थिक लेनदेन तथा चन्दा नदिएको निउमा विप्लव निकट कार्यकर्ताले शाहको हत्या गरेको प्रहरीले जनाएको छ । 


प्रहरीले आज पत्रकार सम्मेलन मार्फत हत्यामा संलग्न मध्येका शिव भन्ने ठगेन्द्रबहादुर सिंह र डिल्ली भन्ने डिलबहादुर रानालाई सार्वजनिक गरेको हो । 


हत्या योजनाकार तथा घटनामा संलग्न शंकित भनिएका सिंह र रानाले अपराध स्विकार गरेको भेरी अञ्चल प्रहरी बरिष्ठ उपरीक्षक महेश विक्रम शाहले बताउनु भयो । 


हत्यामा संलग्न देखिएका पौरख भनिने बलबहादुर मल्ल, ईतिहास भनिने प्रेम वली, मोहित सिंह भनिने ईन्द्र शाही, अभिषेक भनिने दिर्घबहादुर नेपाली र नाम खुल्न नसकेका सुर्खेत घर भएका एक व्यक्तिको खोजी भैरहेको भेरी अञ्चल प्रमुख शाहले बताउनु भएको छ । 


पक्राउ परेका र फरार रहेका सवै विप्लव नेतृत्वको माओवादी सम्बद्ध कार्यकर्ता हुन् । 


रविन्द्र हत्या काण्ड पार्टीगत निर्णय नभई विभिन्न घटनाक्रमसग जोडिएका ब्यक्तिले नितान्त व्यक्तिगत रिसिईवी सा“ध्न र आर्थिक प्राप्तीका लागि भएको देखिएको प्रहरीले बताएको छ ।  


घटना योजनाबद्ध, रिसिईवी साध्न, चन्दा र आर्थिक लेनदेनका कारण घटेको देखिएको शाहले बताउनुभयोे । 


मृतक रविन्द्र सगै ईभिनिङ्ग वाकमा हिंडेका र प्रत्यक्षदर्शी हिटलरसिंह राठौर, भीमबहादुर खत्री र किरण थापालाई पनि आवश्यक अनुसन्धानका लागि थुनामा राखिएको छ । 


हत्यारालाई पक्राउ गर्न देशभर सुरक्षाकर्मी परिचालन गरेका र ईन्टरपोलमा रेडकर्नर नोटिस जारी गरेर भए पनि हत्यारालाई पक्राउ गरीने शाहको भनाइ छ ।