सर्वोच्चको अवहेला गर्ने शेरबहादुर देउवामाथि हदैसम्म कारवाही गर्न सर्वोच्चमा मुद्दा

Posted on: April 02, 2017 | views: 503

काठमाडौं ।

भ्रष्टाचारी ठहर भएर ज्ञानेन्द्र शासनमा कठघरमा पर्दा त्यहि अदालतको आदेशले छुटेर आफ्नो नजिकका मान्छेलाई आईजीपी बनाउन नपाउँदा अदालत बिरुद्ध बोल्ने काँग्रेस सभापती शेरबहादुर देउवा बिरुद्ध सर्वोच्च अदालतमा अवहेलना मुद्दा दायर भएको छ ।

अदालतको अपहेलना गरेको भन्दै अधिवक्ता हरिप्रसाद मैनालीले आइतबार दायर गरेको रिटमा कांग्रेस र देउवालाई विपक्षी बनाइएको छ ।

कांग्रेसको केन्द्रीय कार्यसमितिको पछिल्लो बैठकले नेपाल प्रहरीका महानिरीक्षक ९आईजीपी० नियुक्ति विवादमा सर्वोच्चले गरेको फैसलालाई सरकारको कार्यकारिणी अधिकारमा हस्तक्षेप भनेको थियो ।

कांग्रेसको यो निर्णयले जनमानसमा भ्रम सिजना गर्नुका साथै अदालतको मानमदर्न भएको रिट निवेदनमा उल्लेख छ । रिटमा भनिएको छ, विपक्षीले गरेको कार्य संविधानको धारा १ (१), १२६, १२८ (२),(४), सर्वोच्च अदालत ऐन २०४८ को दफा ४ (१), १(९२)'क', न्यायप्रशासन ऐन २०७३ को दफा १८ (१) विपरित कार्य गरेका हुदा न्यायप्रशासन ऐन २०७३ को दफा १७ को (१),(२) ले प्रदान गरेको अधिकारको आधारमा सोही ऐनको दफा १७ को उपदफा ४ बमोजिम हदै सम्मको कार्यवाही गरि पाउँ ।’