भारतीय फौजद्धारा हत्या गरिएका गोविन्दको नाममा नगरपालिकाको नाम राख्न माग

Posted on: March 12, 2017 | views: 511

कञ्चनपुर ।
कञ्चनपुरको पुनर्वास नगरपालिकाको नाम फेरेर भारतीय फौजले हत्या गरेका शहीद गोविन्द गौतमको नाममा नाम परिवर्तन गर्न स्थानियले माग गरेका छन् ।

शहीद गोविन्दको नाममा  ‘गोविन्द नगरपालिका’ नाम राख्द जिल्लावासीले माग गरेका हुन् ।

देशको सीमा रक्षाका लागि लड्दा लड्दै शहिद भएका गोविन्द गौतमप्रति सम्मान व्यक्त गर्न उनकै नामबाट नगरपालिकाको नामाकरण गरिनुपर्ने स्थानीयको माग छ ।

गत बिहीबार भारतीय सीमा सुरक्षा बल 'एसएसबी' को गोली प्रहारबाट पुनर्वास नगरपालिकाका ३० वर्षीय गोविन्द गौतमको निधन भएको थियो ।

सरकारले उनलाई शहीद घोषणाको प्रक्रिया अघि बढाउँदै राष्ट्रिय सम्मानका साथ आज अन्त्येष्टि गर्दैछ ।

यद्यपी भारतसँग यसबारेमा क्षतीपूर्ती र गोली हान्ने भारतीय फौजलाई कारवाही एवं भारतले माफी माग्नुपर्ने विषयमा सरकारले केही पहल गरेको छैन ।