अपडेटः जाजरकोट बस दुर्घटनामा परि मृत्यु हुनेको संख्या २४ पुग्यो, दर्जनौं घाइते

Posted on: March 09, 2017 | views: 700

जाजरकोट ।
जाजरकोटमा बिहीबार भएको दर्दनाक बस दुर्घटना परि मृत्यु हुनेको संख्या २४ पुगेको छ ।

५० बढी यात्रु रहेको बस सडकबाट करिव २ सय मिटर तल खस्दा मृत्यु हुनेको संख्या बढेर २४ पुगेको हो ।

जाजरकोटका प्रमुख जिल्ला  अधिकारी कृष्णचन्द्र पौडेलका अनुसार दुर्घटनामा मृत्यु हुनेको संख्या बढेर २४ पुगेको जानकारी प्राप्त भएको छ ।

घाइतेहरुलाई सेनाको हेलीकोप्टरबाट नेपालगञ्ज र काठमाण्डौं उपचारको लागि पठाइएकोमा उपचारका क्रममा र लैजाँदा लैजाँदै मृत्यु भएका थप ४ को जानकारी आएपछि २० जनाको मृत्यु भएको यसअघि प्राप्त जानकारीमा तीन जना थपिएको हो ।

जाजरकोटको खलंगाबाट पश्चिम खारा तर्फ जाँदै गरेको ना ३ ख २२७९ नम्बरको बस ओरालो बाटोमा गुडेको दुई मिनेटमै अनियन्त्रित भई भिरबाट खोलामा खसेको हो ।

दुर्घटनास्थलमा जाजरकोटका प्रमुख जिल्ला अधिकारीसहित नेपाल प्रहरी, नेपाली सेना, सशस्त्र प्रहरीको टोली उद्धारमा खटिएका थिए ।



बसमा यात्रुहरु बढी भएकाले ‘ओभर लोड’ हुन गई ओरालो घुम्तीमा बस भिरतर्फ ढल्कँदा बस पल्टिएको प्रारम्भिक अनुसन्धानले देखाएको छ ।

घाइतेहरु मध्ये अझै केहीको अवस्था गम्भिर रहेकाले दुर्घटनामा परि मृत्यु हुनेको संख्या बढ्न सक्ने प्रहरीले बताएको छ ।