हिंसा भड्काउन गोली ठोक्न आदेश दिने सप्तरीका सीडीओ र सुरक्षाप्रमुख काठमाडौं फिर्ता

Posted on: March 07, 2017 | views: 217

माठमाडौं ।
प्रदर्शनकारीमाथि गोली हान्न विवादास्पद गृहमन्त्री बिमलेन्द्र निधिको आदेशलाई लागु गर्न भन्दै नियोजित रुपमा गोली चलाउन आदेश दिने सप्तरीका प्रमुख जिल्ला अधिकारीसहित जिल्लाका सुरक्षा निकायका प्रमुखहरु मन्त्रालय फिर्ता भएका छन् ।

प्रमुख जिल्ला अधिकारी 'सीडीओ' उद्धबप्रसाद तिम्सिना, नेपाल प्रहरीका एसपी दिबेश लोहनी तथा सशस्त्र प्रहरीका एसपी जयबहादुर खड्का र नेपाल प्रहरीका डीएसपी दानबहादुर खड्का प्रदर्शनकारीको मृत्यु हुनेगरि ताकेर गोली हान्न लगाउने प्रमूख व्यक्ति पाइएपछि प्रधानमन्त्रीले उनिहरुलाई मन्त्रालयमा झिकाएका हुन् ।

यसैबीच लहानमा प्रदर्शनकारीलाई गोली हान्न आदेश दिएका विवादास्पद उपप्रधान एवं गृहमन्त्री विमलेन्द्र निधिले चौतर्फी आफ्नो बिरोध भएपछि सप्तरी घटनबारे बुझ्न भन्दै सुरक्षा निकायका प्रमूखहरुसँग भेटेका छन् ।

आफैं गोली हान्न आदेश दिएर अवस्था भड्काएका निधिले नाटक गर्दै तीनवटै सुरक्षा निकायका प्रमुखहरुलाई प्रहरी मुख्यालय नक्सालमा बोलाएर सप्तरी घटनाबारे जानकारी लिएका छन् ।

त्यसक्रममा गृहमन्त्री निधिले बल प्रयोग नगरी स्थिति सामान्य अबस्थामा फर्काउन सुरक्षा निकायका प्रमुखहरुलाई निर्देशन दिए ।

करिब डेढघण्टा लामो छलफलमा नेपाल प्रहरीका निमित्त प्रहरी महानिरीक्षक डा. दिनेशचन्द्र पोखरेल, सशस्त्र प्रहरी महानिरीक्षक सिंहबहादुर श्रेष्ठ, राष्ट्रिय अनुसन्धानका प्रमुख दिलिप रेग्मी, नेपाल प्रहरीको कार्यबिभाग प्रमुख सहित गृहमन्त्रालयका शान्ति सुरक्षा महाशाखा प्रमुख बालकृष्ण पन्थी लगायतको उपस्थिति थियो ।
स्मरणीय छ हिजो भएको एमाले कार्यक्रमको बिरोधमा भाटा सहित उत्रिएका मोर्चाका कार्यकर्तालाई सामान्य बल प्रयोग समेत नगरि गृहमन्त्री बिमलेन्द्र निधिकै निर्देशनमा ताकेर गोली प्रहार गरिएको थियो । घटनामा परि तीन जनाको मृत्यु भएको पुष्टि भएको छ भने दर्जनौं घाइते छन् ।