६ लाखको बीबीसीको जागिर छाडेर रबिन्द्र मिश्र राजनीतिमा (विस्तृत विवरण

Posted on: February 28, 2017 | views: 2334

काठमाडौं ।
पत्रकारको रुपमा चर्चित रहेका समाजसेवी छवि समेत बनाएका बीबीसी नेपाली सेवाका प्रमूख रबिन्द्र मिश्रले राजनीतिक यात्रा सुरु गरेका छन् ।

बीबीसी नेपाली सेवाको जागिर छाड्दै उनले राजनीतिमा लाग्ने घोषणा गरेका हुन् । राजनीतिमै लाग्न उनले यसअघि हेल्प नेपाल नामक संस्थामार्फत् समाजसेवा गर्दै आएका छन् ।

२ वर्ष पहिलेदेखि नै उनी राजनीतिमा लाग्ने चर्चा चल्दै आएपछि बाबुराम भट्टराईले विवादीत व्यक्तिहरुलाई बटुलेर पार्टी खोल्न लागेपछि उनको साथ छाडेका मिश्र स्थानिय चुनावको लागि नयाँ रुपमा युवा शक्तिका रुपमा उदाउनेगरि राजनीतिक जिवनमा होमिएका हुन् ।

मिश्र, पूर्वमुख्यसचिव लिलामणि पौडेल तथा अर्थशास्त्री डा। स्वर्णिम वाग्ले लगाएत मिलेर नयाँ पार्टी गठनको तयारी गरेका थिए । तर, पौडेल चीनको राजदुत भएपछि उनीहरुको योजनामा त्यतिखेर धक्का लागेको थियो ।

डा. गोविन्द केसीदेखि नायक राजेश हमाल समेतसँग छलफल गरिरहेका मिश्रद्धको पार्टीबारे उनले सामाजिक सञ्जाल र आफ्नो आधिकारीक वेवसाइटबाट विस्तृत रुपमा केहीबरेमा जानकारी गराउँदैछन् ।

डोटीको सिलगढीस्थित पद्मोदय माविमा ५ देखि ७ र दार्चुलाको खलंगास्थित महेन्द्र माविबाट ८ देखि १० कक्षासम्मको शिक्षा हासिल गरेका मिश्रले त्रिभुवन विश्वविद्यालयबाट अंग्रेजीमा स्नातकोत्तर गरेका छन् । पाकिस्तानको पञ्जाव विश्वविद्यालयमा आमसञ्चार तथा पत्रकारितामा स्नातकोत्तर अध्ययन गर्ने क्रममा द न्युज इन्टरनेसनल अंग्रेजी दैनिकमा उनले साढे दुई वर्ष काम गरेको अनुभव बटुलेका छन् ।

त्यही क्रममा सन् १९९३ मा पाकिस्तानमा चुनाव भएका बेला बिबिसीलाई चुनावी रिपोर्टिङ गर्ने मौका पाएका रवीन्द्रले पछि बिबिसीमै काम गर्ने अवसर पाए। मिश्रले बेलायतको लन्डन युनिभर्सिटीबाट अन्तर्राष्ट्रिय राजनीतिमा स्नातकोत्तर हासिल गरेका छन्।