रामेछाप जिल्ला केन्द्र भएर लगातार भूकम्पको झड्का

Posted on: February 27, 2017 | views: 198

काठमाडौं ।
डेढ बर्षअघि गोरखा वारपाक केन्द्र भएर गएको विनाशकारी भूकम्पको पराकम्पन अझै रोकिएको छैन ।

आजै मात्र रामेछाप जिल्ला केन्द्रबिन्दु भएर दुई पटक भूकम्प भएको छ ।

राष्टिय भूकम्प मापन केन्द्रका अनुसार आज गएका दुवै कम्पन गोरखा भूकम्पकै पराकम्पन हुन् ।

आज बिहान९ बजेर २२ मिनेटमा ४.६ रेक्टर स्केलको गएको पराकम्पन पुन दोहोरिएर १० बजेर ६ मिनेटमा ४.७ रेक्टरको गएको छ ।

यद्यपी अमेरिकी भूगर्भ विभागले भने पछिल्लो कम्पन ४.८ रेक्टर स्केल देखाएको छ ।

आज गएका दुवै कम्पन सामान्य धक्का मात्र भएको भन्दै भूगर्व विभागले यसबाट मानविय तथा भौतिक क्षतिको संभावना न्यून रहेको भन्दै यसबारेमा कुनै जानकारी नआइसकेको बताएको छ ।

यसअघि पछिल्लो पटक धादिंग जिल्ला केन्द्र भएर ९ दिन अघि ४ रेक्टर स्केलको पराकम्पन गएको थियो ।

आज गएको दुई पराकम्पन सहित गोरखा भूकम्प पछि ४ सय ७८ पटक ४ रेक्टर माथिका पराकम्पनहरु गएका छन् ।